Botirboy

Botirboy — Hisor tizmasining shim. yon bagʻridagi muzlik, tovoqsimon tabiiy chuqurlikda joylashgan. Qashqadaryoning chap irmogʻi Oqsaryo (Oqsuv) ga quyiluvchi Botirboy soyi havzasida. Uz. 2,4 km, maydoni 1,6 km². B.ning atrofida taqasimon joylashgan 11 ta kattakichik muzlik mavjud (umumiy maydoni 4,2 km²). B. muzligining tili 3280 m, eng yuqori nuqtasi esa 3500 m balandlikda. Muzlik joylashgan hududda oʻrtacha yillik yogʻin miqdori 1250 mm.