Ajoyib Eremoxares
Ajoyib Eremoxares | |
---|---|
Ilmiy tasniflash | |
Olam: | Hayvonlar |
Tip: | Boʻgʻimoyoqlilar |
Sinf: | Hasharotlar |
Oila: | Sphecidae |
Urugʻ: | Eremochares |
Turlari: | Ajoyib Eremoxares |
Xalqaro ilmiy nomi | |
Eremochares mirabilis Gussakovskij, 1928 |
Ajoyib Eremoxares (Eremochares mirabilis) — yerkovlovlar (Sphecidae) turkumiga mansub Eremochares arilar turi.
Tavsif[tahrir | manbasini tahrirlash]
Taxminan 20-30 mm uzunlikdagi yirik arilar. Oʻrta boldiri bir nayzali. Old oʻrta koʻkragi juftlashtirilmagan chiziqlar bilan ifodalangan.
Tarqalishi va yashash joyi[tahrir | manbasini tahrirlash]
Oʻzbekiston (Janubi-gʻarbiy Qizilqum, Buxoro atrofi, Xiva), Qozogʻiston, Eron, Turkmaniston. Noyob, mahalliy tarqalgan turlar. Choʻl zonasining qumli va shoʻrhok hududlarda yashaydi.
Hayot tarzi[tahrir | manbasini tahrirlash]
Yiliga bir marta nasl beradi. Ilk uchishi va tuxum qoʻyishi – iyun-avgustda. Urgʻochilari chigirtkasimonlarni (Acridoidea) ovlaydi, ularni falajlab yerda kovlangan iniga joylashtiradi, soʻng ulardan biriga tuxum qoʻyadi.
Soni va muhofaza etish[tahrir | manbasini tahrirlash]
Hamma joyda kam. Yakka tartibda uchraydi. Xoʻjalik maqsadlarida choʻl-qoʻriqlarning oʻzlashtirilishi, xususan, haydash, yaylovdan chorvachilikda haddan tashqari foydalanish hisobiga soni kamayib bormoqda. Oʻzbekiston Qizil kitobiga kiritilgan.
Muhofaza choralari[tahrir | manbasini tahrirlash]
Yashash joylari va sonini mukammal oʻrganish, yashash joylarida muhofazasini tashkil etish lozim.
Adabiyotlar[tahrir | manbasini tahrirlash]
- Красная книга Республики Узбекистан. — Т. II — Животные. Ташкент: Chinor ENK, 2009.