Mahmudxon Ismoilov
Mahmudxon Ismoilovich Ismoilov | |
---|---|
Tavalludi |
22-iyun 1947-yil Toshkent, Oʻzbekiston SSR |
Vafoti |
2-avgust 2015-yil (68 yoshda) Toshkent, Oʻzbekiston |
Fuqaroligi | Oʻzbekiston |
Kasbi | muhandis olim |
Sohasi | elektr |
Taʼlimi | Toshkent irrigatsiya va qishloq xoʻjaligini mexanizatsiyalash muhandislari instituti |
Ilmiy darajasi | texnika fanlari doktori |
Ilmiy unvoni | professor |
Mukofotlari |
Mahmudxon Ismoilovich Ismoilov (1947-yil 22-iyun, Toshkent, Oʻzbekiston SSR — 2015-yil 2-avgust, Toshkent, Oʻzbekiston) — oʻzbekistonlik muhandis olim, texnika fanlari doktori, professor.
Biografiyasi[tahrir | manbasini tahrirlash]
Mahmudxon Ismoilov 1947-yil 22–iyunda Toshkent shahrida ziyoli oilada tugʻilgan. Mahmudxon Ismoilov 1965—1970-yillarda Toshkent irrigatsiya va qishloq xoʻjaligini mexanizatsiyalash muhandislari institutida oʻqigan. 1970—1972-yillarda Toshkent irrigatsiya va qishloq xoʻjaligini mexanizatsiyalash muhandislari instituti „Elektr energiyasini ishlab chiqarish va tarqatish“ kafedrasi assistenti, 1976-1980-yillarda „Qishloq xo‘jaligida elektr energiyasini qo‘llash“ kafedrasi katta o‘qituvchisi, 1980—1985-yillarda „Qishloq xo‘jaligini elektrlashtirish va avtomatlashtirish“ fakulteti dekani oʻrinbosari, 1985—1992-yillarda ushbu fakultet dekani, 1992—1993-yillarda sirtqi ta’lim fakulteti dekani, 1993—1996-yillarda sirtqi ta’lim boʻyicha prorektor, 1996—2001-yillarda sirtqi ta’lim fakulteti dekani, 2001—2003-yillarda o‘quv ishlari bo‘yicha prorektor, 2003—2004-yillarda sirtqi ta’lim fakulteti dekani, 2004—2014-yillarda moliya-iqtisodiyot ishlari bo‘yicha prorektor lavozimida faoliyat koʻrsatgan[1].
Vafoti[tahrir | manbasini tahrirlash]
Mahmudxon Ismoilov 2015-yil 2-avgustda vafot etgan[1].
Ilmiy faoliyati[tahrir | manbasini tahrirlash]
Mahmudxon Ismoilov 70 dan ortiq ilmiy-uslubiy ishlar, jumladan, 2 ta monografiya, 3 ta metodik tavsiyalar muallifi. 1972—1976-yillarda Moskva shahridagi Butunittifoq qishloq xo‘jaligini elektrlashtirish ilmiy-tadqiqot instituti aspiranturasida oʻqigan, 1977-yilda nomzodlik ishini yoqlab, texnika fanlari nomzodi ilmiy darajasini olgan[1].
Mukofotlari[tahrir | manbasini tahrirlash]
- „Shuhrat“ medali (1995);
- „Oʻzbekiston Respublikasi mustaqilligiga 20 yil“ esdalik nishoni (2011)[1].