Henrietta Ónodi

Henrietta Ónodi
Henrietta Ónodi 1992-yilgi olimbiya oʻyinlarida
Shaxsiy maʼlumotlari
Jinsi	Ayol
Fuqaroligi	Vengriya
Tavallud sanasi	22-may 1974-yil (1974-05-22) Békéscsaba, Vengriya
Sport
Qaysi sport	Sport gimnastikasi

Henrietta Ónodi (1974-yil 22-mayda tugʻilgan) — Vengriyalik sportchi. 1992 va 1996-yilgi olimpiya oʻyinlari ishtirokchisi. 1992-yilda oltin va kumush medalni qoʻlga kiritgan. 1997-yilda faoliyatini yakunlagandan soʻng, Amerika Qoʻshma Shtatlariga koʻchib ketgan. Amerikalik sportchi — Jimbo Haley bilan turmush qurgan va amerika fuqaroligini olgan. 2010-yilda Henrietta Ónodi nomi Xalqaro gimnastika shon-shuhrat zaliga kiritilgan.

Faoliyati

Gimnastika jamoatchiligi orasida „Heni“ nomi bilan ham tanilgan. Ónodi 1978-yilda gimnastika bilan shugʻullana boshlagan. 1986-yilda xalqaro musobaqalarda ilk marta ishtirok etgan. 1988-yilgi olimpiya oʻyinlarida juda yosh boʻlganligi sababli ishtirok eta olmagan. 1989-yilda Vengriya terma jamoasi safida jahon chempionatida ishtirok etgan.

Keyingi bir necha yil davomida Ónodi koʻplab musobaqalarda medallarni qoʻlga kiritgan. 1990-yilgi Yevropa chempionatida uchinchi oʻrinni egallagan. 1990-yilda Henrietta Ónodi Yaxshi niyat o‘yinlari va jahon chempionatida uchinchi oʻrinni egallagan. 1991-yilgi Jahon chempionatida kumush medalga sazovor boʻlgan. Ammo aynan shu chempionatda jarohat ham olgan. Mazkur jahon chempionatida jamoaviy bahslarda 8-oʻrinni egallagan Vengriya terma jamoasi 1992 yilgi olimpiya oʻyinlarida ishtirok etish huquqini qoʻlga kiritgan.

1992-yilda Barselonada oʻtkazilgan olimpiya oʻyinlarida Ónodi 30 yil vaqt oraligʻida olimpiya oltin medalini qoʻlga kiritgan birinchi vengriyalik ayol gimnastikachiga aylandi. Finalda bosh sovrin uchun ruminiyalik Lavinia Miloșoviciga qarshi bahs olib borgan.

1992-yilda Parijda oʻtkazilgan jahon chempionatida 2 yoʻnalish boʻyicha oltin va kumush medalni qoʻlga kiritgan. 1991-yilda esa Indianapolisda oʻtkazilgan jahon chempionatida faqat bir yoʻnalishda kumush medalni qoʻlga kiritgan.