Foydalanuvchi:Usmonov Gayrat/qumloq

„Hududiy elektr tarmoqlari“ AJ

Turi	Aksiyadorlik jamiyati
Maqomi	Amalda
Ishga tushgan sanasi	27-mart, 2019-yil (2019-03-27)
Joylashuvi	Toshkent shahri, Bektemir tumani, Bektemir tumani, 13-uy
Hududiy xizmati	Oʻzbekiston
Direktori	Mustafoyev Ulug'bek
Vebsayti	het.uz
Til(lar)i	oʻzbek, rus, ingliz

„Hududiy elektr tarmoqlari“ AJ – (ruscha:AO „Hududiy elektr tarmoqlari“, inglizcha:"Hududiy elektr tarmoqlari" JSC) – elektr energiyani so'ngi isteʼmolchilarga taqsimlovchi va sotuvchi hududiy elektr tarmoqlari korxonalarini boshqarishni amalga oshiruvchi tashkilot.

Oʻzbekiston Respublikasida 2024-yil 01-yanvar holatiga koʻra elektr energiyasi isteʼmolchilarining umumiy soni – 8 089 339 kishini, shundan 433 217 nafari – yuridik va 7 656 307 nafari – maishiy isteʼmolchilarni trashkil etadi.

2023-yilga koʻra „Hududiy elektr tarmoqlari“ AJ tomonidan isteʼmolchilarga 64,0 mlrd.kVt/soat elektr energiyasi yetkazib berilgan.

Tarixi

2019-yil 27-mart kuni О‘zbekiston Respublikasi Prezidentining „Oʻzbekiston Respublikasida elektr energetika tarmogʻini yanada rivojlantirish va isloh qilish strategiyasi toʻgʻrisida“gi PQ-4249-sonli qaroriga asosan elektr energiyani yakuniy isteʼmolchilarga taqsimlovchi va sotuvchi hududiy elektr tarmoqlari korxonalarini boshqarishni amalga oshiruvchi „Hududiy elektr tarmoqlari“ aksiyadorlik jamiyati tashkil etilgan.

„Hududiy elektr tarmoqlari“ AJ tarkibidagi 12 ta hududiy filial hamda 2 ta hududiy korxona tomonidan („Buxoro HETK“ va „Farg‘ona HETK“ AJ lar) 0,4-6-10-35-110 kV kuchlanishli elektr tarmoqlarini ekspluatatsiyasi, shuningdek, mazkur obektlarning rivojlanishi doirasida yangi qurilish, rekonstruksiya, kapital va joriy taʼmirlash ishlarini amalga oshiriladi. Bundan tashqari 3 ta filial („Elektr energiya sotishni avtomatlashtirish markazi“ filiali, „Davlat va shartnomaviy xizmatlarni rivojlantirish“ filiali, „Davlat xaridlari markazi“ filiali) tomonidan elektr energiyasi isteʼmolchilariga xizmat koʻrsatiladi.

Jamiyatning 12 ta hududiy filiali hamda 2 ta hududiy korxonasi („Buxoro HETK“ va „Fargʻona HETK“ AJ lar) tarkibidagi 224 ta tuman va shahar elektr taʼminoti korxonasi tassarufidagi 110-35-10 kV kuchlanishli 1 802 ta podstansiyadan uzatiladigan elektr energiyasi 94 538 dona transformator punkti va 277,6 ming km uzunlikdagi elektr uzatish tarmoqlari orqali Oʻzbekiston Respublikasining maishiy va yuridik isteʼmolchilariga yetkazib beriladi.

Rahbariyat

• Mustafoyev Ulugʻbek Mavlonovich – aksiyadorlik jamiyati boshqaruvi raisi.
• Izbosarov Agzam Fahriddinovich – aksiyadorlik jamiyati boshqaruv raisining Elektr tarmoqlaridan foydalanish boʻyicha birinchi oʻrinbosari.
• Gaybullayev Alvar Keldiyorovich – AJ boshqaruv raisining transformatsiya, investitsiya, innovatsion rivojlanish, raqamlashtirish va axborot texnologiyalari masalalari bo‘yicha birinchi o‘rinbosari.
• Askarov Asrorjon Akramovich – AJ boshqaruv raisining iqtisodiyot boʻyicha oʻrinbosari.
• Nosirov Dilshod Baxadirovich – AJ boshqaruv raisining kapital qurilish boʻyicha oʻrinbosari.
• Alimardonov Oybek Jumakulovich – AJ boshqaruv raisining rejim va kadrlar boʻyicha oʻrinbosari.