Asad

Asad (fors- sher, oʻzb.- arslon) — 1) 12 burj (zodiak)ning 5-yulduz turkumi, belgisi IR.. 4 ta eng ravshan yulduzi hosil qilgan trapesiya orqali uni osongina topish mumkin. Ulardan biri Regul 1,3-kattalikdagi zangori yulduz. Umumiy maydoni 947 kv. daraja. Qish va bahorda oʻrta kengliklarda osmonning janubiy qismida koʻrinib turadi;

2) Navroʻzning birinchi kunidan boshlab hisoblanadigan shamsiy taqvim (kalendar)ning 5-oyi nomi; 21-avgustdan 21-sentabrgacha davom etadi. A. ki-rishi bilan ob-havoda muayyan oʻzgarishlar yuz beradi. A. yaxshi kelgan yillari oʻrtacha harorat saratondatja nisbatan atigi 2 — 4 daraja past boʻladi. Baʼzi yillarda A. chiqishidan 4 — 6 kun oldin albatta kuchli shamol esishi va durustgi-na yogʻingarchiliklar boʻlishi mumkin. A. oyida chashmalarda suv kamayadi, daryolar suvi aksincha koʻpayadi. Qushlar birin-ketin issiq mamlakatlarga uchib ketish taraddudiga tushadi. Dehqonchilikda ekinlar asosan shu oyda oʻsib rivojlanadi. „Asad — ekiningni yasat“ degan xalq maqoli bejiz ishlatilmagan. Ayniqsa, gʻoʻzaga koʻp ishlov berib, uni qondirib sugʻorish kerak boʻladi. Ad.: Narziqulov A., Dehqon taqvimi, T., 1990.

3) Sherdor madrasasining peshtogʻi qanosidagi sher tasvirining nomi^[1].